Ишкерлерден бизге даттануулар көп келет. Анын сап башында салык төлөө боюнча көйгөйлөр турат. Бул тууралуу Аскар Сыдыков Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, бизнес-акыйкатчы институту түзүлсө Кыргызстандын экономикасы жогоруламак.
"Ишкерлер бейтараптуулукту сактаган бизнес-акыйкатчы институтуна муктаж болуп турат. Тең салмактуу, эки жактуу сунуш берип турган бир орган керек болууда. Бизнес-акыйкатчы институту түзүлсө биринчиден Кыргызстандын экономикасы жогоруламак, экинчиден жергиликтүү жана чет элдик ишкерлер үчүн ыңгайлуу шарттар түзүлүп, бизнес тармагы гүлдөп өнүкмөк", — деди Сыдыков.
Ал ишкерлерден салык төлөө боюнча даттануулар көп келип түшөрүн кошумчалады.