БИШКЕК, 21-сен. — Sputnik. Москвада полиция Кыргызстандын бир нече жаранын кармады. Бул тууралуу КРдин Россиядагы элчилигинен билдиришти.
Буга чейин жергиликтүү ЖМКларда 19 кыргызстандык кармалгандыгы тууралуу маалымат тараган.
"Окуянын чоо-жайын билүү үчүн элчиликтин кызматкерлери полицияга барып, алты кыргызстандык кармалганы белгилүү болду", — дешти дипломатиялык өкүлчүлүктөн.
Документтерин текшерүүдөн кийин алардын бешөө боштулду. Ал эми бири административдик мыйзам бузуу боюнча айыпталып, материалдар сотко өттү.