БИШКЕК, 21-сен. — Sputnik. Жаңы окуу жылына карата Кыргызстан мусулмандар дин башкармалыгынын окуу бөлүмү өлкө аймагындагы диний окуу жайларды текшерет. Бул тууралуу муфтияттын маалымат кызматы кабарлады.
Билдирүүгө ылайык, анда жаңы окуу жылына мугалим менен окуучулардын даярдыктары, план-программалардын түзүлүшү, окуу жайлардын тазалыгы, санитардык абалы, өрт коопсуздук эрежелеринин сакталышы каралат.
Ошондой эле муфтияттын өкүлдөрү өзгөчө кырдаалдар жана өрт өчүрүү кызматкерлери менен биргеликте түшүндүрүү иштерин жүргүзүп, ар кандай кырсыктарды алдын алуу аракеттерин көрүшөт.