БИШКЕК, 20-сен. – Sputnik. Мамлекет башчы Сооронбай Жээнбеков Кемин районунун тургундары менен жолугушуу өткөргөнүн буга чейин президенттин маалымат кызматынан кабарлашкан.
Мамлекет башчынын оператору Улан Сатиев эл менен болгон жолугуушардын видеосун өзүнүн Facebook баракчасына жарыялады.
Тасмадан мамлекет башчы бир туугандарын ишине кийлигиштирбей турганын баса белгилегенин көрүүгө болот.
“Жээнбеков Бакиевдей болуп калды, аны бир туугандары бийлеп жатат деген сөздөр тарады. Бирок мен айтып коеюн, менде эч качан саясатка үй-бүлөнү кийлигиштирүү деген болбойт. Менин негизги максатым президенттикти аман-эсен өткөрүп берип, тойлордо эл-журт менен аралашып жүрүү. Анан мен тааныбаган дос-тааныштар көбөйүп кетти, алар ооруканага барса деле, кызматка отурганы жатса деле менин атымды колдонушат экен. Ошондойлорду камагыла деп жатам. Туугандарым, мени жаман жолго барат деп ойлобогула. Мен эч качан андай кылбайм”, — деди Жээнбеков.
Ал ошондой эле жалгыз уулу Максим Бакиевдей болууга жетишпей турганын, анткени ал болгону төртүнчү класста экенин айтып тамашалады.