БИШКЕК, 20-сен. — Sputnik. Италиялык "Ювентус" футбол клубунун чабуулчусу Криштиану Роналду команданын бул сезондогу Чемпиондор лигасындагы алгачкы мелдешинде оюндан чыгарылды. Бул тууралуу Р-Спорт жазды.
Беттеште "Ювентус" испаниялык "Валенсияны" 2:0 эсебинде утуп алды. Италиялык футболчуларга жеңиш алып келген эки голду тең пенальти жолу менен жарым коргоочу Миралем Пьянич киргизди. Ал эми Роналдуга 29-мүнөттө кызыл карта берилди.
Интернет колдонуучулар футболчу оюндан чыгарылган учурда көзүнө жаш алганын жазып чыгышты.
Башка колдонуучулар футболчуну эмне себептен оюндан чыгарышканы даана көрүнүп турган видеону жарыялашты.
Бул Криштиану Роналдунун Чемпиондор лигасында өткөргөн 154 мелдешинде алгачкы кызыл картасы.