Якутиянын Экология министрлигинин өкүлдөрү башына канистра кийилип калган аюуну издеп жатышат. Бул тууралуу "Якутия 24" телеканалы маалымдады.
24-август күнү YouTube тармагына видео жарыяланган. Анда башына канистра кийилип калган аюуга кишилер жардам берүүгө аракет кылып жатканын, бирок андан майнап чыкпаганын көрүүгө болот.
Жергиликтүү ЖМКлардын жазганына караганда, Экология министрлигинин аңчылык башкармалыгы Түштүк Якутиядагы инспекторлорго окуя болгон жерди аныктоо тапшырмасын берди.