БИШКЕК, 23-авг. — Sputnik. Бүгүн "Тибиртке" рубрикасында Кыргызстан мусулмандар дин башкармалыгынын жардамы менен диний сөздөрдүн кыргызча маани-маңызын чечмелейбиз.
Багымдат — таңкы намаз, таңда окула турчу намаз;
Ибадат — сыйынуу, жаратканга сыйынуу;
Селде — узун, ак кездемеден оролуп жасалган баш кийим, адатта имамдар киет;
Истихфар — Кудай Тааладан кечирим суроо;
Тообо — Кудай Тааладан кылган ишине өкүнүп, кечирим суроо;
Зикир — Жаратканды эстөө;
Аттахият — намаз учурунда отурган абалда окулуучу дуба;
Сажда — намаз учурунда маңдайдын жерге тийиш;
Арам — шариятта тыюу салынган өкүм;
Аврат — уятуу жерлер;
Кабыр — мүрзө, адамдын көмүлө турчу жайы;
Таваккулуль — тобокелчилик. Бир иштин натыйжасын Кудайга тапшырып, адам ошол иштин натыйжасын билүү үчүн акырына барууга өзүн тобокел кылат.
Зына — никесиз жыныстык мамилеге баруу;
ИншаАлла, Иншааллах — Кудай кааласа, Кудай буюрса;
Зыярат — бир нерсени барып көрүү (адамды, ыйык жерлерди);
Жихад — араб тилинен которгондо аракет, мээнет кылуу дегенди билдирет;
Баракат — береке;
Жаннат — бейиш, инсандардын түбөлүктүү ырахатта болуучу жайы;
Ифтар — ооз ачаар;
Муфтий — шарият өкүмүн чыгарган адам;
Сунна же сүннөт — Пайгамбар Мухамматтын (САВ) айтканы, кылганы жана тастыктаганы.