БИШКЕК, 21-авг. — Sputnik. Жакарта шаарында өтүп жаткан Азия оюндарында грек-рим күрөшүнөн Каныбек Жолчубеков күмүш медаль утту.
Кыргызстандык балбан финалда япониялык Шинабу Ота менен кез келип, ал таза жеңиш менен утуп кетти. Ошентип Жолчубеков жеңилүү ызасын тартып, күмүш меделга ээ болду.
Ал атаандашы менен буга чейин Бишкекте өткөн Азия чемпионатынын чейрек финалында дагы күрөшүп жеңилип калган болчу. Анда япониялык балбан алтын медаль уткан. Ал ошондой эле Рио-де-Жанейро Олимпиадасынын күмүш медалынын ээси.
Белгилей кетсек, буга чейин кыз-келиндер арасындагы күрөштөн Айсулуу Тыныбекова, эркин күрөштөн Магомед Мусаев күмүш медаль уткан. Ал эми Айпери Медет кызы менен Мээрим Жуманазарова коло байгеге ээ болушкан. Жалпы жонунан Кыргызстандын байге куржунуна беш медаль чогулду.