БИШКЕК, 21-авг. – Sputnik. Бишкектеги 7-апрель менен Горький көчөлөрүнүн кесилишинде эки унаа кагышып, адамдар жабыркады. Бул тууралуу Sputnik агенттигине күбө билдирди.
Анын айтымында, көчөлөрдүн кесилишинен Honda менен Toyota үлгүсүндөгү эки унаа кагышкан. Анын кеспетинен 5-6 жаштагы бала, 10 жаштар чамасындагы кыз, бир аял жана эки айдоочу жаракат алган.
Күбө жеринде милиция менен медицина кызматкерлери иштеп жатканын кошумчалады.
Тез жардам кызматы Sputnik агенттигинин кабарчысына аталган дарек боюнча чакыруу түшкөнүн ырастап, азырынча канча адам жабыркаганы жана кандай жаракаттарды алганы айтыла электигин билдиришти.