БИШКЕК, 12-авг. — Sputnik. Бишкек шаарында эл аралык жарым марафон өткөрүлөт. Бул тууралуу RUN the Silk Road уюмунан билдиришти.
Маалыматка ылайык, борбор калаада экинчи жолу өтө турчу мелдеш 22-сентябрда болот. Анда жергиликтүү, чет элдик жөө күлүктөр жана спорт сүйүүчүлөрү 3, 10 жана 21 чакырымга чуркашат.
Спорттук иш-чара улуу жазуучу Чыңгыз Айтматовдун 90-жылдыгына карата уюштурулмакчы.