БИШКЕК, 31-июл. — Sputnik. Борбордук Африка республикасына жумуш менен барып киши колдуу болгондор тартуу тобунун мүчөлөрү Орхан Жемаль, Александр Расторгуев жана Кирилл Радченко экени аныкталды. Бул тууралуу Ходорковскийдин иликтөө борборуна таянып РИА Новости жазды.
Белгилей кетсек, Борбордук Африка республикасында бийликти өзүн мусулман тобу деп атаган “Селека” коалициясынын көтөрүлүшчүлөрү басып алган. Президенти деп Мишель Жотодия жарыяланган.
Кийинчерээк христиандык “Антибалака” аттуу агым пайда болуп, эки топтун ортосунда кандуу кагылыш болот. Натыйжада тынч жашаган эл кырылат.
2014-жылы “Селека” эл аралык коомчулуктун басымы менен бийликти убактылуу өкмөткө өткөрүп бергени менен зомбулугун токтоткон эмес. БУУнун ккийлигишүүсүнө карабастан уюмдардын ортосундагы кагылышуу уланып келет. Кол салууга жарандык объектилер, өлкөдө иштеп жаткан гуманитардык миссиянын өкүлдөрү дуушар болууда.