БИШКЕК, 20-июл. — Sputnik. Сяоли аттуу кытайлык кыз ашказанын кичирейтүү үчүн операция жасатууну чечти. Бул тууралуу Sputnik Белоруссия агенттиги Chengdu Business Daily басылмасына таянып кабарлады.
Селки "арыктайм" деп көп жылдан бери дары ичип жүргөн. Бирок ал ашыкча салмактан арылбай эле ого бетер семирип кеткен.
Сяоли атайын дарыларды ичип баштаганда 18 жашта болчу. Айтымында, ал кездеги салмагы 45 килограмм эле.
Мындан улам Сяоли башка дары ичип көрүүнү чечет. Бирок жыйынтык ал ойлогондой чыкпай тескерисинче семирген. Дарыларга кеткен чыгымды эсептегенде селки 30 миң доллар короткон.
Жети жылдан кийин кыздын салмагы 90 килограммга жетип, боор оорусуна чалдыккан.
Июль айынын башында 25 жаштагы Сяоли ашказанын кичирейтүү үчүн клиникага кайрылган. Аны текшерип көргөн дарыгерлер дарылардын кесепетинен семирип кеткенин айтышкан.