БИШКЕК, 16-июл. — Sputnik. АКШ президенти Дональд Трамп Россияда өткөн дүйнө чемпионаты тарыхтагы эң мыкты биринчиликтердин бири болгондугун өзүнүн Twitter баракчасына жарыялады. Бул тууралуу Р-Спорт агенттиги жазды.
Өзүнүн постунда АКШ лидери Францияны жеңиши менен ал эми Россия президенти Владимир Путинди иш-чараны мыкты уюштургандыгы үчүн куттуктады.
"Чемпионатта керемет оюн көрсөтүп, биринчиликти багындыра алган Франция футболчуларын куттуктайм. Мындан тышкары, Россия президенти Владимир Путин иш-чараны жогорку деңгээлде уюштуруп бергендигин баса белгилөө керек", — деп жазды Трамп.
Ошондой эле ал чемпионат учурунда күйөрмандарга аралашып жүрө албаса дагы Кызыл аянтта, Кремлдин тегерегинде жүргөндөрдүн үнүн угуп турганын кошумчалады.
Эске салсак, 14-июндан 15-июлга чейин Россияда футбол чемпионаты болуп өттү.