БИШКЕК, 12-июл. — Sputnik. Кыргызстанга машина алып кирүүдө ага төлөнчү акы төмөндөдү. Ошол эле учурда электромобилге нөлдүк коюм киргизилүүдө.
Эми өкмөттүн токтомуна ылайык, бирдиктүү бажы төлөмдөрүнүн коюму жана кыймылдаткычынын көлөмүнө жараша бензин, дизель менен жүрө турчу автоунаалардын салыгы 2014-жылдагы менен теңелди.
Ошондой эле гибриддүү автоунаалар үчүн шыктандыруучу бажы коюмдары киргизилүүдө (ар бир куб сантиметр үчүн 0,5 доллардан 0,6 долларга чейин). Электромобилдер нөлдүк коюм менен өтөт.
Машинаны алып кирүүдө канча сом төлөй турганыңызды эсептөө үчүн анын чыккан жылын, кыймылдаткычтын көлөмүн көрсөтүшүңүз керек. Андан сырткары, автоунаада жүргүнчү отура турчу орундук 12ден аз же көп экенин да белгилеши зарыл. Жыйынтыгында бажы төлөмү катары алына турчу сумма чыгат.
Өкмөттүн бул токтому эки жумадан кийин күчүнө кирип 2019-жылдын 31-декабрына чейин иштейт.