Киши кырсыктан көз жумган. Видеодо Nissan Murano каршы тилкеге чыгып, жолдун орто ченинде кетип бара жаткан кишини коюп кеткендигин көрүүгө болот.
Буга чейин маркумдун жакындары 33 жаштагы Мелис Абдуллаев кырсыктан бир күндөн соң ооруканада каза тапкандыгын айтышкан.
Дарыгерлер анын башы сөөгү жана мээси жабыркагандыгын аныкташкан. Маркумдун артында мектеп жашына жете элек эки баласы калган.
Маркумдун туугандары Sputnik Кыргызстандын кабарчысы менен сүйлөшкөндө, окуяга күбө болгондордун "тергөө иштеринин объективдүү жүргүзүлүшү үчүн" кабарлашып коюусун суранды.
"30 жаштардагы эркек киши окуяны видеого тартып алган экен", — деди ал.
Шектүүнү милиция жабырланган тараптын арызынан кийин гана кармаган. Маркумдун жакындары кечээ сот болуп, айдоочу эки айга камакка алынганын кошумчалады.
Ишти иликтеп жаткан тергөөчү менен байланышууга мүмкүн болгон жок.