Качандыр бир кезде менден экс-депутат маек алат деп такыр ойлогон эмесмин. Жашоо ошол күтүлбөгөн нерселери менен кызык болсо керек да.
Жаңы эле бир жумалык эмгек өргүүсүнөн келгенден кийин кесиптешим Нургүл Максутова "сенден Ыргал Кадыралиева маек алат" деп калды. Бизде "өзгөчө маек" деген рубрика болгондуктан макул болдум. Буга чейин да башка кесиптештеримдин берген маектерин окудум эле. Ичимен "эми эмненин башынан чыгат болдум экен" деп жүрөкзаада болдум. Көптөгөн кишилер менен маектешип, интервью алган журналист болсом да бир аз толкундандым.
Июнь айы аяктап калганда экс-депутат кеңсебизге баш багып келип калды. Бул ирет эмнегедир мурдагыдай толкундоо болгон жок.
Радио студиябызга кирип маек башталды. Ии баса, маек башталардын алдында бир кызык окуя болду. Кесиптешим Таалай Ороскулов да ошол күнү конок чакырган экен. Ал кечигип калып радиону биз ээлеп койгон саатта келип, биздин алдыбызда студияга кирип кетиптир. Бери жакта режиссердук пультта отурган балдардын жанында "болуңуз, студиядан чыгыңыз, биздин убакыт болчу" деп кол жаңсап жаттык. Таалай байке байкамаксан болуп маегин уланта берди. Сен ээлеп койгон учурда студияга башка бирөө кирип кетсе кандай болорун радио, телеканалда иштеген кесиптештерим жакшы билсе керек. Акыры Таалай байкени коногу менен студиядан "кууп чыктык".
Ыргал Кадыралиеваны мурдагы чакырылыштын депутаты катары сыртынан билчү элем. Ал мага өзү кабатырланып жүргөн маселелер боюнча суроолорду узатты. Ала качуу, журналистика, билим берүү жана социалдык көйгөйлөр боюнча маектештик. Кадыралиева айткандай "биринчи көрүшкөн тааныш, экинчи көрүшкөн тууган" дегендей интервьюдан кийин "эжелүү" болдум.
Буларга да көз салып коюңуз.
Өзбекстанда тартылып жаткан "Делбирим"тасмасынан бир көрүнүш.
Кыргыз ССРинин эмгек сиңирген артисти, көптөгөн тасмаларды көркүнө чыгарган таланттуу инсан Таттыбүбү Турсунбаеванын тарыхта калган элеси. "Кызыл алма" тасмасы учурунда тартылган сүрөт.
Былтыр алыскы Памирден кыргыздар келген эле. Эми алар кайта "кетип" жатышат. Эмнеге деген суроонун жообу бул жакта.
Валюта наркы. Сомдун баасы долларга карата орто эсеп менен 68.15 (сатып алуу) жана 68.37 (сатуу) сомду түздү.
Мунай баасы. Бишкекте орточо эсеп менен алганда АИ-95 үлгүсүндөгү бензин 47.00 сом, АИ-92 үлгүсүндөгү май 44.30 сом, ал эми дизель майы 45.00 сомдон сатылууда.
Соңку сөз. Көздөгөн максатка жетүү үчүн бир гана талыкпай эмгектенүү керек. Алдыга карай арыш таштагыла деп Расул Үсөналиев.