БИШКЕК, 4-июл. — Sputnik. Спорт журналисттери арасындагы мелдеште "Кочевник" командасы жеңүүчү деп табылганын Жаштар иши, дене тарбия жана спорт боюнча мамлекеттик агенттиктен билдиришти.
Мелдеш 30-июндан 3-июлга чейин Ысык-Көл облусунун Чок-Тал айылында өттү.
Ага ЖМКнын отуздан ашык өкүлү катышып, "Кочевник", "Жаштык", "Алга", "Пушки" деп аталган төрт командага бөлүнгөн.
Мелдештин алкагында спорт журналисттери жаш курак боюнча норматив тапшырып, мини футбол, волейбол, тогуз коргоол ойноп, аркан тартышты. Айрым оюндар жеке да, командалык эсеп менен да аныкталды.
Ошондой эле мелдештин алкагында журналисттер Мамагенттиктин жетекчиси Канат Аманкулов жана орун басары Мирлан Парханов менен жолугушту.
Таймашуу төртүнчү ирет өтүп жатат. Максаты — ЖМКлар ортосундагы мамилени чыңдап, спорттун өнүгүшүнө өбөлгө түзүү.
Кубоктун жеңүүчүсү "Кочевник" командасынын өкүлдөрү:
Александр Шепеленко — ("Слово Кыргызстана");
Тимур Ногоев (НБТ);
Улан Касенов (Биринчи радио);
Зыярат Эсенбаев (КТРК Спорт);
Аскар Маратов (ЭлТР);
Гүлжан Турдубаева (ЭлТР);
Гүлдана Талантбекова (Sputnik Кыргызстан);
Мелдеште күмүш байгеге ээ болгон "Алга" командасынын катышуучулары:
Табылды Асыгалиев (Көк бөрү федерациясынын комментатору);
Жанара Эсенова (СТВ);
Тумара Туратбекова (Кабар);
Шухраб Абдыкапар уулу (СТВ);
Темирлан Бакытов (НТС Спорт);
Жолдубай Айткулов (ОШ ТВ);
Майрамбек Өмүрбаев (Нарын ТВ);
Коло байгеге ээ болгон "Пушки" командасынын тизмеси:
Тахир Гафуров (НБТ);
Ксения Толканева (Sport.kg);
Айчүрөк Каныбек кызы (Баткен ТВ);
Адилет Темирланов (ЭлТР);
Нурсултан Нурболот уулу (Супер-инфо);
Аскат Касымбеков (НТС Спорт);
Теңгелбес Мусаев (Спорт журналисттери федерациясынын башкы катчысы);
Адилет Иманов (Ысык-Көл ТВ);