БИШКЕК, 25-июн. — Sputnik. Ош шаарынын мэри Айтмамат Кадырбаев өзгөчө сертификатка ээ болгон калаа окуучулары менен алардын ата-энелерин кабыл алганын мэриядан билдиришти.
Маалыматта бул бүтүрүүчүлөрдүн 2018-жылдагы мыкты 50 абитуриенттин катарына киргени айтылат.
"Жалпы республикалык тестирлөөдөн Мырзагүл Алмазбек кызы менен Акназар Амиракунов 219 баллдан алса, Атттыгүл Абдимаматова 221 упайга ээ болгон", — деп айтылат билдирүүдө.
Кадырбаев окуучуларды жетишкендиктери менен куттуктап, ата-энелерине жана мугалимдерине ыраазычылык айтты. Шаар мэри бүтүрүүчүлөргө планшет белек кылганы кошумчаланды.
Баса, Sputnik Кыргызстан агенттигинин кабарчысы Мирбек Сакенов мектепти бүтүп, абитуриент болгон чагын эстеген колумнистика жазган. Байкуш күрөң кунажын…