БИШКЕК, 24-июн. — Sputnik. Борбор калаада рейд учурунда өзүн Экономикалык кылмыштуулукка каршы күрөшүү мамлекеттик кызматынын өкүлү деп тааныштырган тургун журналистти машинасы менен коюп кетти. Бул тууралуу Kaktus.media интернет-порталы жазды.
"Ага ылайык окуя кечээ түнү таңкы саат 4:20лар чамасында болгон. Жол кыймылы коопсуздугун камсыздоо башкармалыгынын инспектору Lexus GS үлгүсүндөгү автоунааны токтоткон. Андан түшкөн тургун өзүн Нурлан деп тааныштырып, Финполдо иштей турганын айткан жана протокол толтурбоону суранган. Бирок инспектор андан баш тартканда бардык процедураны өтүүгө макул болгон.
"Инспектор четке чыкканда Kaktus.medis порталынын журналисти бардык окуяны видеого тартып баштаган. Айдоочу инспектордун жок экенинен пайдаланып, газды басып кетип калууга аракет кылган. Бул учурда журналист четке секирип кеткенге үлгүргөн. Бирок ага карабай журналистти бутка коюп кеткен", — деп жазылат маалыматта.
Качып кеткен айдоочуну таап, кармоого мүмкүн болгон жок.
Sputnik Кыргызстан агенттиги окуяга көз салып турат.