БИШКЕК, 21-июн. — Sputnik. Жума күнү тоолуу райондордо өткүн өтүп, жамгыр жаайт. Ал эми өрөөндөрдө күн ачык болорун Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Чүй облусунда 28…33 градус ысык болсо, Таласта күндүн табы 26…31 градуска жетет. Ош, Жалал-Абад жана Баткенде күн ачык болуп, термометр 30…35ти көрсөтөт. Ал эми Нарын менен Ысык-Көлдө 22…26 градус жылуу болушу күтүлүүдө.
Борбор калаада жаан жаабайт, күн 30…32 градуска чейин жылыйт. Ош шаарында болсо күндүн табы 32…34 градуска чейин көтөрүлөт.