БИШКЕК, 19-июн. — Sputnik. Бишкектин криминалдык милиция кызматы турак үйлөрдү тоноого шектелген кылмыштуу топту кармады. Бул туурасында ИИМдин маалымат кызматы кабарлады.
"Өткөн жылдын ноябрь айында борбор калаадагы үйлөрдүн бирине ууру кирип сейфти талкалап "ТОЗ-34" үлгүсүндөгү кош ооз мылтык, 120 миң сом акча жана зер бумдарды алып кеткен. Уурулардын кесепетинен үй ээси жалпы 240 миң сомдук чыгымга учураган. Бул факты боюнча Ленин райондук тергөө кызматы тарабынан 164-берененин 3-бөлүгү (Уурулук) боюнча кылмыш иши козголгон", — деп айтылат маалыматта.
Тергөөнүн жүрүшүндө алынган травматикалык тапанча өткөн жылы күздө Бишкектен уурдалганы аныкталган. Ал эми алар жашаган үйдү тинтүү учурунда учун кесип кыскарткан эки тапанча 30 огу менен табылган.