БИШКЕК, 14-июн. — Sputnik. Жума күнү өлкөнүн көпчүлүк аймактарында жамгыр жаап, бийик тоолуу райондордо кар жаашы күтүлөт. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 4-9 метрден 15-20 метрге жетет.
Күндүн табы Чүй өрөөнүндө 21…26, Таласта 20…25, Ош, Жалал-Абад жана Баткенде 22…27 градус жылыса, Ысык-Көл менен Нарында 16…22 градус жылуу болушу күтүлөт.
Бишкек менен Ош шаарларында мезгил-мезгили менен жамгыр жаап, 23…25 градус жылуу болот.