2010-жыл, 10-июнь. Бул күн өлкөнүн датасында кара менен белгиленип кала берди. Сегиз жыл мурун Ош аймагында улут аралык араздашуу чыгып, андан жүздөгөн киши каза болгон. Канчалаган эне баласынан айрылып көз жашы көл болсо, наристелер ата-энесин жоготуп жетим калган. Элестетүү, эстөө кыйын…
Кечээ июнь окуяларынын курмандыктары эскерилип, ага биринчи вице-премьер Кубатбек Боронов жана шаар башчысы Айтмамат Кадырбаев катышты.
10-июнь күнү кыргыз элинде дагы бир чоң жоготуу болгон. 2008-жылы дал ушул датада жазуучу Чыңгыз Айтматов дүйнө салган. Улуу жазуучуну эскерип кечээ премьер-министр Абылгазиев баштаган аткаминерлер жана жакындары "Ата-Бейит" улуттук тарыхый-мемориалдык комплексиндеги Чыңгыз Айтматовдун бейитине гүл коюшту.
Өлкө башчы Жээнбековдун кечээ Кытайга болгон иш сапары аяктады. ШКУ өлкөлөрүнүн жетекчилеринин саммитинде Кытай лидери Си Цзиньпин Жээнбековду өзгөчө белгиледи. Ошондой эле Шанхай кызматташтык уюмунун кезектеги саммити 2018-2019-жылы Бишкекте өтө турганы маалым болду.
Баса, Орозо айт ушул аптанын жума күнү,15-июнга белгиленди. "Бул күнү иштейбизби же эс алабызбы" деп ойлонуп жатсаңыз Sputnik Кыргызстан агенттигин аңдып отуруңуз. Себеби кабарчылар тез аранын ичинде аны да билип берет.
Бүгүн болсо өлкөдө Кадыр түн майрамы белгиленет. Ыйык түндү жакындарыңыз менен жакшы тилек кылып өткөрүңүз.
Жакшы жаңылык! Кыргызстандагы курулуш компаниялардын бири турак-жайга муктаж адамдарга акысыз үй куруп берүүнү пландоодо. Кайрымдуу адамдар көп болсун!
Бир жумага карата алдын ала аба ырайынбилип алыңыздар. Айрыкча кыздар, антпесе гүлдүү көйнөк кийип чыгып алганда жамгыр төгүп салбасын.
Бүгүн борбор калаадаысык болот экен.
Валюта наркы. Сомдун баасы долларга карата орто эсеп менен 68.26 (сатып алуу) жана 68.50 (сатуу) сомду түздү.
Мунай баасы. Бишкекте орточо эсеп менен алганда АИ-92 үлгүсүндөгү май 44.30 сом, АИ-95 үлгүсүндөгү бензин 47.00 сом, ал эми дизель майы 45.00 сомдон сатылууда.
Соңку сөз. Дүйнө тынч болсун!
Аманчылык каалап, Таалайгүл Усенбаева.