БИШКЕК, 6-июн. — Sputnik. КСДП фракциясынын депутаты Осмонбек Артыкбаев Улуттук коопсуздук боюнча мамлекеттик комитеттин тергөө абагына камакка алынды. Бул тууралуу аталган мекеме билдирди.
Эскерте кетсек, 5-июнда Башкы прокуратура Артыкбаевге Бишкек ТЭЦин модернизациялоо долбоорунун алкагында Кылмыш жаза кодексинин 303-беренеси (Коррупция) боюнча кылмыш ишин козгогон. Андан соң ишти УКМКнын Тергөө башкармалыгына өткөрүп берген.
УКМК тергөө жүрүп жатканын кошумчалады.
Кечээ мурунку премьер-министр Сапар Исаков, Бишкектин экс-мэри Кубанычбек Кулматов да УКМК тарабынан камакка алынган.