БИШКЕК, 31-май — Sputnik. Зинедин Зидан "Реал Мадрид" клубунун башкы машыктыруучулугунан кетти. Бул тууралуу Р-Спорт порталы жазды.
45 жаштагы машыктыруучу мындай чечими тууралуу атайын уюштурулган маалымат жыйында кабарлаган.
Зидан "Реал" командасынын негизги курамына 2016-жылы башкы машыктыруучу болуп келген. Анын жетекчилиги алдында команда Чемпиондор лигасын үч жолу катары менен утуп, UEFAнын суперкубогун эки жолу жеңген. Ошондой эле дүйнө чемпионатынын клубдук мелдешин бир, Испаниянын Суперкубогун бир жолу уткан.