БИШКЕК, 29-май — Sputnik. Сузактын Таш-Булак айыл аймагында жашаган жети жаштагы бала Көк-Арт дарыясына агып кетип, каза болду. Бул туурасында ӨКМдин маалымат кызматынан кабарлашты.
Кырсык 28-майда кечинде саат 19:00 чамасында болгон.
Баланы издөө үчүн 19 куткаруучу жана милициянын 25 кызматкери тартылган. Алар эки саатка чукул издеген соң, тестиердин сөөгүн таап, ата-энесине өткөрүп берген.
Буга чейин да, 15-майда Кара-Суу району менен Кадамжай шаарында эки киши сууга чөгүп кеткен.