БИШКЕК, 27-май — Sputnik. Бишкек менен Чүй облусунда бир сааттын ичинде жана түндө катуу шамал болушу күтүлүүдө. Бул тууралуу ӨКМдин маалымат кызматынан кабарлашты.
Шамалдын ылдамдыгы секундасына 15-20 метрге жетиши мүмкүн.
Бишкек шаарынын мэри Албек Ибраимовдун Facebook баракчасына дагы жарандарды этият болууга чакырган пост жарыяланды.
"Өздүк жана мүлктөрдүн коопсуздугун камсыздоого чакырам"- деп билдирмеде жазылган.
Мэрия дарактар кулаган же электр чубалгылары үзүлгөн фактылар болсо 185, 1840 же 0554182185 WhatsApp номери аркылуу билдирүү жөнөтүүнү суранат.