БИШКЕК, 25-май — Sputnik. Оңдоп-түзөөдөн өткөн Мамлекеттик тарых музей 31-майда ачыла турганын аталган жайдын директору Кеңешбек Алмакүчүков билдирди.
Эскерте кетсек, бүгүн Жогорку Кеңештеги "Ата Мекен" фракциясынын депутаттары музейдин реконструкцияланышы боюнча көчмө жыйын өткөрүп, ремонт иштерине сын айтышкан.
Жетекчи депутаттардын 100 миң сомго алынган отургучутар тууралуу айткандарына эч кандай комментарий берген жок.
"Бул маалыматтарды текшерүү керек. Мындай билдирүүлөргө мен эч нерсе дебейм", — деди ал.
Алмакүчүков ремонттон кийин музей бир маалда 4,5 миң экспонат көргөзө аларын белгиледи. Буга чейин музейдин аянты 2,5 миңин гана коюуга жол берип келген.
Мындан тышкары, музейге лифтилер орнотулуп, экинчи кабатында кофейня ачылган.