БИШКЕК, 19-май — Sputnik. Жума күнү Куба мамлекетинде 100дөн ашык жүргүнчүнү алып бара жаткан Boeing 737 учагы кулаганын Telemundo каналына шилтеме берип РИА Новости агенттиги жазды.
Маалыматка караганда, учак Cubana de Aviacion компаниясына тиешелүү болгон.
“Учак Гаванадан Ольгин шаарына учуп бара жаткан. Бирок ал абага көтөрүлгөнүнө бир нече мүнөттөн кийин гана кулап түшкөн”, — деп жазылат макалада.
Айрым ЖМКлар учакта 104 адам болгонун жазса, дагы башкалары 107 деп айтышууда.