БИШКЕК, 18-май – Sputnik. Балыкты жумасына жок дегенде эки ирет жеп туруу инфаркт жана жүрөктүн башка ооруларынан болуучу эрте өлүм кооптуулугун азайтат. Бул туурасында РИА Новости Circulation журналына шилтеме берип жазды.
"Балыктагы омега-3 май кислотасынын жүрөккө пайда экендигин жакшы билебиз. Биздин жаңы изилдөөлөр балыктын пайдасын дагы бир ирет тастыктап, этти кадимкидей эле алмаштыра ала тургандыгын айтты", — деген Гарвард университетинин окумуштуусу Эрик Римм.
Деңиз продукциялары, балыктын майы мурдатан эле жүрөккө жана жүрөктүн кан тамырларына жакшы жардамчы экендигин, кан басымды жана холестеринди азайтары айтылып келет. Андан сырткары, кан тамырларды жумшартары белгилүү болгон.
Буга чейин да илимпоздор шоколаддын кайсы түрү мээге пайдалуу экенин иликтеп чыгышты.