Аптанын алгачкы күндөрүндө эле Бишкек шаарынын "Орто-Сай" базарынын жанындагы "Каухар" бизнес борборунда өрт чыкты. Тилсиз жоо болжол менен имарат чатырынын 130 чарчы метрин жалмап кетти.
Ал эми Жеңиш күнү президент Сооронбай Жээнбеков эл менен кошо көчөгө чыгып, "Өлбөс полк" жөө жүрүшүндө Улуу ата мекендик согушта дайынсыз жоголгон чоң атасы Жээнбек Пирназаровдун сүрөтүн көтөрүп басты.
Ал ортодо Россияда кайра шайланган өлкө башчысы Владимир Путиндин инаугурациясы болду.
Жуманы "Евровидение — 2018" сынагынын финалы жыйынтыктады. Бул жолу мыкты ырчы деп израилдик ырчы Нетта табылды.