БИШКЕК, 11-май — Sputnik. Бүгүн Чолпон-Ата шаарында кикбокс боюнча чоңдор арасындагы Азия чемпионаты жыйынтыкталып, Кыргызстан командалык эсеп боюнча экинчи орунду ээледи. Бул тууралуу Sputnik Кыргызстан агенттигинин кабарчысы жеринен билдирди.
Биринчи орунду 59 медаль (26 алтын, 23 күмүш, 10 коло) менен Иран, үчүнчү орунду 24 (14 алтын, 16 күмүш, 4 коло) медаль менен Тажикстан ээледи. Кыргызстан 58 медаль (24 алтын, 16 күмүш, 18 коло) менен экинчи орунга татыды.
8-11-май күндөрү Чолпон-Ата шаарында өткөн Азия чемпионатына 14 өлкөнүн 200дөй спортчусу катышты. КРдин намысын 40тан ашык спортчу коргоду.
Азия биринчилигинде калыстык милдетти Германия, Италия, Корея, Иран, Иордания, Ирак, Египет жана Марроко сыяктуу мамлекеттен келген реферилер аркалады.
Азия чемпионаты Жаштар иши, дене тарбия жана спорт агенттиги, Азиянын кикбокс конфедерациясы (WAKO-ASIA) жана КРдин кикбокс федерациясы тарабынан уюштурулду.