Ишенбай Абдуразаков эмгек жолун инженерликтен баштап, кийин Улуттук илимдер академиясында, Кыргызстан Коммунисттик партиясынын Борбордук Комитетинде, СССР Тышкы иштер министрлигинде, элчиликтерде көп жыл эмгектенген.
Өлкө эгемендик алган жылдардан баштап Кыргызстандын Россиядагы генералдык консулу, президенттик администрациянын тышкы саясат бөлүмүндө эксперт, өлкө башчынын кеңешчиси, мамлекеттик катчы болуп да иштеген.
Кийин эс алууга чыкканда Кусеин Карасаев атындагы Бишкек гуманитардык университетинде сабак берип, эл аралык байланыштар кафедрасын жетектеген.
Жеке жашоодосунда жубайы Майрамкан Юсупова менен эки уул, эки кызды татыктуу тарбиялап өстүргөн.