БИШКЕК, 22-апр. — Sputnik. Индиянын өкмөтү 12 жашка чейинки кыздарды топтошуп зордуктагандарды өлүм жазасына тартуу боюнча буйрукка чыгарганын Economic Times басылмасы жазды.
Бул буйрук балдарды сексуалдык зордук-зомбулуктан коргоо боюнча мыйзамга толуктоо болуп эсептелет. Эми 12 жашка чейинки секелек кыздарды зордуктагандар эң аз дегенде 20 жылга абакка кесилет. Ал эми 12 жашка чейинки кызды тобу менен зордуктагандар өмүр бою эркинен ажыратылып же өлүм жазасына тартылат.
Басылманын жазышынча бул буйрук быйыл январда 8 жаштагы өспүрүм кыздын уурдалып, зордукталышынан кийин кабыл алынган. Ал иш боюнча сегиз киши айыпталууда, арасында эки полиция кызматкери да бар.
Ал эми АКШда кыздарды зордуктоодон коргой турчу "акылдуу" билерик жасалды.