Жетим өсүп жетилген. Башкы стадионго аты берилген Дөлөн Өмүрзаков деген ким?

Дөлөн Өмүрзаков дене тарбия жана спорт комитетин биринчилерден болуп жетектеген. Ал спорт тармагын башкарып турганда "Спартак" (баштапкы аты — ред.) стадиону, Кожомкул атындагы спорт сарайы, Дене тарбия жана спорт инcтитуту, "Дельфин" кышкы бассейни, "Алга" футбол командасынын машыгуу жайы курулуп, спортчулар Каныбек Осмоналиев, Александр Мелентьев, Александр Блинов, Татьяна Колпаковалар Олимпиада оюдарынан байгелүү кайтышкан.

Космостогу 200 күн. Салижан Шарипов тууралуу 7 факты

12 Чын Куран 2018, 18:03

Бүгүн Дөлөн Өмүрзаков тирүү болгондо 91 жашка чыкмак. Мындан улам Sputnik Кыргызстан маалымат агенттиги дене тарбия жана спорт комитетин 30 жыл башкарган жетекчи тууралуу 8 факты сунуштайт.

1. Дөлөн Өмүрзаков 1927-жылы 22-апрелде Жалал-Абад облусунун Сузак районуна караштуу Багыш айылында туулган. Эки жашында ата-энесинен ажырап, балдар үйүндө чоңойгон. Тарбиячылар туулган күнүн так билбей метрикага 22-апрель деп жазып коюшкан.

2. Спортко жаштайынан аралашып, бокс боюнча мелдештерге катышкан. 1942-1944-жылдары Ленинграддагы П.Ф.Лесгафт атындагы Мамлекеттик дене тарбия институтунда билим алган. Эмгек жолун ушул институттун гимнастика кафедрасында иштөө менен баштап, ошол эле жерден аспирантураны аяктаган. 1952-жылдан баштап өз мекенине келип, Кыргыз ССР Министрлер кеңешинин алдындагы дене тарбия жана спорт комитетинин төрагалык кызматын аркалаган.

1 / 3

2010-жылы "Спартак" стадиону курулуштун автору Дөлөн Өмүрзаковдун атын алган

2 / 3

Миңдеген иш-чаралар өткөн Каба уулу Кодомкул атындагы спорт сарайы Өмүрзаковдун жетекчилиги алдында курулган

3 / 3

Ошондой эле "Дельфин" кышкы бассейнин да курдурууга буйрук берген

3. Дөлөн Өмүрзаковдун 30 жылдык жетекчилик кызматында "Спартак" стадиону, Кожомкул атындагы спорт сарайы, Дене тарбия жана спорт инcтитуту, "Дельфин" кышкы бассейни, "Алга" футбол командасынын машыгуу жайы жана көптөгөн имараттар курулган. Балдардын спорттук секцияларынын саны 200дөн 3000ге чейин көбөйгөн. Мындан сырткары, өлкөнүн бардык аймактарында спорт комплекстери ачылган.

Жүз жашка чыкты! Туңгуч аял хирург Какиш Рыскулова тууралуу 8 факты

12 Чын Куран 2018, 16:50

4. Машыктыруучулар менен спортчулардын деңгээли бир топ өскөн. 1980-жылдары ок атуучу Александр Мелентьев, ат спортунун чебери Александр Блинов, оор атлетчи Каныбек Осмоналиев, жеңил атлетчи Татьяна Колпаковалар Олимпиада оюдарынан байгелүү кайткан. Советтер Союзунун элдик спартакиада оюндарында командалык эсеп боюнча Кыргыз ССРи 10-орунду ээлеп турган. Ага өз кезегинде Элдердин достугу наамы жана Ардак ордени үч ирет ыйгарылган.

5. Дөлөн Өмүрзаков бат тил табышып, кандайдыр бир маселеде кишини макул кылдырганды жакшы билчү. Ал кесиптештерин иш үстүндөгү далай балээден куткарып, коргоп алчу. Эң жаман көргөнү шылуундар менен саткындар эле. Замандаштары Өмүрзаков жумушта мүнөзү катуу болсо да, эч качан кол алдында иштегендерге жаман сөз айтып, басынтпаганын айтышат.

Первый руководитель республиканского спортивного комитета Долон Омурзаков

6. 1984-жылы жумушунан кеткен. Бирок ар дайым неберелери менен спорттук иш-чараларга барып турчу. Спорт тармагындагы жетекчилер да маал-маалы менен үлгүлүү жетекчиден кеп-кеңеш сурап турушкан.

Антарктиданы багындырган биринчи кыргыз. Окумуштуу Айдаралиев тууралуу 6 факты

9 Чын Куран 2018, 14:52

7. Ленинградда окуп жүргөндө орус кызы Татьянага баш кошуп, үч уулдуу болушкан. Кийин эки уулу автокырсыкта каза болуп калган. Үйдүн экинчи баласы Кубан Өмүрзаков учурда бизнес, туризм жана курулуш тармагында эмгектенет. Эки уулдун атасы.

8. Дөлөн Өмүрзаков 1999-жылы 72 жаш курагында каза тапкан. 2010-жылы ысымы өзү курдурган стадионго берилген.