Өткөн жылы өзгөчө кырдаалдардан 1,7 миллиард сом зыян келди. Бул тууралуу Сапар Исаков Жогорку Кеңештеги "Республика — Ата-Журт", "Өнүгүү — Прогресс" жана "Ата Мекен" фракциясынын депутаттарына 2017-жылы жасаган иши боюнча отчет берип жатып билдирди.
Анын айтымында, өткөн жылы 44 миң 668 өрт кырсыгы катталган.
"2017-жыл Кыргызстан үчүн оор жылдардан болду. Өткөн жылы 339 өзгөчө кырдаал катталган. Бул 2016-жылга караганда 91ге көп. Алардын материалдык зыяны 1,7 миллиард сомду түздү", — деди Исаков.
Белгилей кетсек, депутаттардын басымдуу бөлүгү өкмөттүн ишин канааттандырарлык эмес деп тапты.