БИШКЕК, 14-апр. — Sputnik. Өлкөдө 16-20-апрель күндөрү туруксуз аба ырайы күтүлүүдө. Абанын температурасы төмөндөп, маал-маалы менен жаан жаап, тоолуу райондордо кар жаай турганын ӨКМден билдиришти.
16-17-апрелде Ош, Жалал-Абад облустарында жана Ысык-Көлдүн чыгыш тарабында нөшөрлөгөн жаан жаайт. Батыштан соккон шамалдын ылдамдыгы секундуна 4-9 метрге, тоолуу аймактарда жана Ысык-Көлдө 15-20 метрге жетиши мүмкүн.
Күндүз абанын температурасы бир топ төмөндөшү күтүлүүдө. Мисалы, Чүй жана Талас облустарында 10…15 градуска чейин жылыйт. Ош, Жалал-Абад жана Баткенде 13…18 градус нөлдөн жогору болот. Ал эми Ысык-Көл жана Нарын облустарында абанын температурасы +8…+13 градуска жетет.
16-20-апрелде өлкөнүн түштүгүндө дарыялардын деңгээги көтөрүлүп, сел жүрүү коркунучу жаралат.
Унаа жолдоруна көчкү түшүшү ыктымал.