БИШКЕК, 13-апр. — Sputnik. Биринчи вице-премьер Аскарбек Шадиев ээлеген кызматынан бошотулду. Бул туурасында президенттин маалымат кызматынан билдиришти.
Тиешелүү Жарлыкка президент Сооронбай Жээнбеков кол койгон.
Шадиев 6-апрелде кызматтан кетүүгө арызын өзү жазган. Анын жумуштан кетүүсүнө Жогорку Кеңештин Эл аралык иштер, коопсуздук жана коргонуу комитетинин бөлүм башчысы Арсен Закиров алып алды делген 2 миллион сомго байланыштуу козголгон кылмыш иши себеп болгон. Аталган сумманы алууга шарт түзгөн катка Аскарбек Шадиев кол койгон.
Ал кызматтан кетүү чечимин өкмөттүн ишине көлөкө түшүрүп алгысы келбегени менен түшүндүргөн.