БИШКЕК, 29-мар. — Sputnik. Бишкектеги соода борборлорунда, базарларда жана башка эл көп чогулган жайларда өрткө каршы күрөшүү боюнча атайын машыгуулар өтөт. Бул тууралуу ӨКМден кабарлашты.
Иш-чара Мамлекеттик экологиялык жана техникалык коопсуздук инспекциясы менен биргеликте ишке ашырылат.
"Эртең, 30-мартта Бишкектин бир катар соода үйлөрү менен базарларда өрткө каршы техникалык коопсуздук эрежелеринин сакталышы боюнча машыгуулар өтөт. Ага ӨКМ менен Мамэкотехинспекциядан тышкары, райондук администрациялардын өкүлдөрү катышат", — деп айтылат маалыматта.
Тергөөнүн версиясына караганда, соода үйү өрткө каршы эрежелерди сактабагандыктан эл сыртка чыга албай калган.
Бул трагедиядан кийин кыргызстандыктар өлкөдөгү соода үйлөрүн текшерүүнү талап кылышкан. WhatsApp каналы аркылуу соода борборлорго бойкот жарыялаган чакырыктар дагы тарай баштаган.