БИШКЕК, 27-мар. — Sputnik. Кыргызстандык мушкер Акжол Сулайманбек уулу RCC Boxing промоутердик компаниясы тарабынан уюштурулган кезектеги турнирде күч сынашат. Бул тууралуу спорттук уюмдун ВКонтакте социалдык баракчасында жарыяланды.
Профессионалдар арасындагы бокс боюнча мелдеш 22-апрелде Екатеринбург шаарында өтөт. Анда Акжол Сулайманбек уулу 59 килограмм салмак ченинде венесуэлалык мушкер Леонардо Падильи менен 10 раундда күч сынашат.
Кыргыз мушкери Акжол буга чейин профессионалдар арасында 10 ирет беттеш өткөрүп, бир да жолу утулган эмес. Аталган спорттун түрү боюнча КРдин үч жолку чемпиону. 2016-жылдан бери Екатеринбург шаарында спорттук карьерасын улантууда.