БИШКЕК, 23 мар — Sputnik. Азия чемпиону аталган Акжол Махмудовду Ош жергеси салтанаттуу тосуп алды. Бул тууралуу шаардык мэриянын маалымат кызматы билдирди.
"Ош" эл аралык аба майданынан Махмудовго шаардык дене тарбия жана спорт комитетинин кызматкерлери даам сыздырып, асманга көкөлөтө ыргытышты.
Шаар мэри Айтмамат Кадырбаев сөз сүйлөп жатып, спортчуну ар тараптан колдоого даяр экендигин билдирген.
"Абалтадан спортчулар эли-жерин дүйнө жүзүнө таанытып келген. Мына ошолордун катарын толуктап, баарыбызга жеңиш тартууладың. Биз келечекте сенден жаңы жетишкендиктерди күтөбүз. Ал үчүн Ош шаарынын мэриясы ар тараптан колдоого даяр", — деди шаар жетекчиси.
Акжол Махмудов — кадеттер арасында Азиянын эки жолку, жаштар арасында жана чоңдор арасында бир жолку чемпиону.
27-февралдан 4-мартка чейин Бишкекте өткөн Азия чемпионатында грек-рим күрөшү боюнча алтын медаль тагынган.