БИШКЕК, 22-мар. — Sputnik. АКШнын конгресси Мексика менен болгон чек арага дубал тургузууга 1,6 млн. доллар бөлүүгө макул болду. Бул туурасында РИА Новости коомчулукка жарыяланган бюджет долбооруна таянып кабарлады.
Республикачылар бул акчага азыркы анча бийик эмес тосмолорду алмаштыра турган 90 миль (144 чакырым) жерге дубал курулат деп ишендирүүдө. Демократтар бул каражаттын бардыгы бетон дубалды тургузууга кетпей тургандыгын айтышкан.
Белгилей кетсек, Дональд Трамп шайлоо алдында эгер президент болуп калса Мексика менен чек арага дубал курарын, дубал мыйзамсыз миграция менен кылмыштуулукту азайтарын айткан.
Бирок бул маалымат тарагандан кийин ал дүйнө коомчулугунда ар кандай пикирлерди жараткан. Ирандын президенти Хасан Роухани азыр дубал менен калкаланчу учур эместигин айткан.