БИШКЕК, 15-мар. — Sputnik. Улуттук энергохолдинг ТЭЦтин айланасындагы иштер тергелип бүтмөйүнчө түшүндүрмө бербей турганын компаниянын маалымат кызматы Sputnik Кыргызстан агенттигине билдирди.
Өмүркул уулу 15-марттагы маалымат жыйында жылуулук борборун модернизациялоо үчүн алынган жабдуулар менен материалдардын 90 пайызы кымбат баа менен сатып алынганын белгилеген.
"Долбоорду ишке ашырууга айтылгандан аз каражат кеткен. Долбоордо көрсөтүлгөн баага жеткирүү үчүн материалдардын баалары кымбат көрсөтүлгөн", — деди ал.
Буга чейин "Электр станциялары" ААКты Өмүркул уулунун видеокамералар 14,5 миң долларга алынган деген билдирүүсүнө жооп берген.
ТЭЦти модернизациялоо иши 2013-жылдын жайында башталып, төрт жылдан кийин 2017-жылы күзүндө аяктаган. Өкмөт Кытайдын ТВЕА компаниясы менен 386 миллион долларлык келишимге кол койгон.