Чүй облусунун Токмок шаары менен Кемин районунун ортосундагы айланма жолдо унаалар кагышып, бир адамдын өмүрү кыйылды. Бул тууралуу Sputnik Кыргызстан агенттигине күбө билдирди.
Анын айтымында, жол кырсыгы 4-март күнү саат 15:30дар чамасында болгон.
"Жүргүнчү ташыган кичиавтобус Балыкчыдан Бишкекке келе жатып, каршысында бараткан жүк ташуучу унаа менен кагышкан. Жолтандабас болсо ортого кыпчылып калган окшойт. Өтүп баратып кыска видео жана сүрөткө тартканга үлгүрүп калдык", — деди күбө.
"Алдын ала маалыматтар боюнча ГАЗ-53 үлгүсүндөгү жүк ташуучу унаа капталдан чыга калып Ысык-Көлдөн келе жаткан жүргүнчү ташыган кичиавтобус менен сүзүшкөн. Кырсыктан бир адам каза болуп, бир нечеси жабыркаган. Учурда окуя болгон жерде ыкчам тергөө тобу иштеп жатат", — деди маалымат кызматы.
Чүй облустук ЖКККББ жабыркаган адамдардын саны такталып жатканын кошумчалады.