БИШКЕК, 27-фев. — Sputnik. №6 автобус жол кырсыгына себепкер болуп жол тандабасты барып сүзгөн. Бул тууралуу күбө "Бишкек сегодня" Telegram-тайпасында маалымдады.
Анын айтымында, окуя түшкү саат экилер чамасында болгон.
"Жол кырсыгы Ахунбаев көчөсүндө Ататүрк паркынын кире беришинде болду. Жүргүнчү ташып бараткан автобус Lexus GХ-470 үлгүсүндөгү жол тандабасты сүзүп, ал "Жигули" машинасына барып урунду", — деди күбө.
ИИМдин Жол кыймылы коопсуздугун камсыздоо башкы башкармалыгынын маалымат кызматы фактыны ырастап, жол кырсыктан эч ким жабыркабаганын айтты.
"Кырсык болгон жерге милиция кызматкерлери келип, жеринде протокол түзүшкөн", — деп милициядан маалымдашты.
Эгер жүргүнчү ташыган компаниянын айдоочусу адам өлүмүнө алып келген жол кырсыгынын себепкери болсо мекеме кандай жоопко тартылары айтылды.