БИШКЕК, 27-фев. — Sputnik. Грек-рим күрөшү боюнча кыргызстандык спортчу Урмат Аматов Бишкекте өтүп жаткан Азия чемпионатында күмүш медаль тагынды.
Ал буга чейин чейрек финалда корей балбанын 2:1 эсебинде утуп, жарым финалда япониялык спортчу Инагучини 8:7 эсебинде жеңип алган. Ал эми алтын медаль үчүн кармашта өзбекстандык каршылашы Элмурат Тасмурадовго 8:0 эсебинде жеңилип калды.
Ушул тапта Бишкекте күрөш түрлөрү боюнча чоңдор арасында Азия чемпионаты өтүп жатат. Мелдештин биринчи күнүндө грек-рим күрөшү боюнча медалдын 5 комплектиси ойнотулмакчы.
Азия чемпионатынын жүрүшү менен тексттик трансляциядан таанышыңыздар.