БИШКЕК, 26-фев. — Sputnik. Борбор калаада жылуулук берүү мөөнөтү абанын температурасы 5 сутка катары менен сегиз градустан өйдө болгондо токтотулат. Бул туурасында "Бишкекжылуулуктармагы" ишканасынын маалымат кызматынан айтышты.
"Борбор калаага жылуулук берүүнү токтотуу чечимин Бишкек шаардык мэриясы Кыргызгидрометтин маалыматынын негизинде кабыл алат. Адатта күн беш сутка катары менен сегиз градустан жогору болгондо мэрия тиешелүү токтом чыгарат", — деп айтылат билдирүүдө.
Эске салсак, өткөн кышта жылуулук берүү 2017-жылдын 11-апрелинде токтотулган. Ал эми биз учурда колдонуп жаткан жылуулук 2017-жылдын 17-октябрында берилген.
Быйыл бишкектиктер ТЭЦтеги авариядын кыштын кыраан чилдесинде бир топ үшүп, ал эми аталган мекеме алдын ала эсептөөлөр боюнча 54 миллион сомдук чыгым тарткан.