БИШКЕК, 21-фев. — Sputnik. Казакстандын тургуну Бишкекте алдамчылыкка шектелип кармалды.
ШИИБдин маалымат кызматы билдиргендей, Октябрь райондук милициясына шаардагы фирмалардын биринин кызматкери кайрылып, Кастер аттуу жаран 2017-жылы декабрда жүктөрдү жеткирип берем деп 2800 долларын алып, изин жашырып кеткенин айткан.
КР Кылмыш-жаза кодексинин 166-беренеси ("Алдамчылык") боюнча кылмыш иши козголуп, 30 жаштагы Казакстандын жараны кармалган. Ал эки айга убактылуу кармоочу жайга киргизилди. Анын ушул сыяктуу башка кылмыш иштерине катыштыгы бардыгы териштирилүүдө.