БИШКЕК, 13-фев. — Sputnik. Ымыркай төрөлгөндө 4 миң сом өлчөмүндө бир берилчү "балага сүйүнчүнү" 327 үй-бүлө алганын Социалдык өнүктүрүү министрлигинин маалымат кызматы билдирди.
Сүйүнчү акчаны алуу үчүн жарандык абалды каттоо бөлүмдөрүнө (ЗАГС — ред.) жана калкты тейлөө борборлоруна арыз жазуу керек. Акча Мамлекеттик каттоо кызматынын электрондук системасы аркылуу шаардык жана райондук социалдык өнүктүрүү башкармалыктарына которулат.
Бир жолу берилчү "балага сүйүнчүнү" алуу үчүн керектүү документтер:
1. Баланын туулгандыгы тууралуу күбөлүк;
2. Ата-эненин паспорттору;
3. Жашаган жеринен справка.
Эскерте кетсек, 1-январдан тарта күчүнө кире турган мыйзам долбоорун коомчулуктун нааразычылыгынан кийин кайра карап чыгуу тапшырылган.
Сүйүнчү алуунун жол-жобосун буга чейин да министрлик айтып берген.