БИШКЕК, 9-фев. — Sputnik. Бишкек шаарынын Ахунбаев менен Малдыбаев көчөлөрүнүн кесилишинде ээсиз жүргөн жети жылкы "102" батальонунун ыкчам кызматкерлери тарабынан табылганын шаардык милициядан билдиришти.
Аймактын тургундары жылкылардын жүргөнү боюнча билдиришкен.
"Жарандар үйлөрдүн жанында ээси жок жети жылкы жүргөнүн билдиришти. Окуя болгон жерге батальондун ыкчам кызматкерлери чыгып кеткен", — деп айтылат маалыматта.
Милиция кызматкерлери жылкыларды Биринчи Май Май райондук милиция бөлүмүнүн короосуна айдап келип, ээсин издеп жатышат.
Биргеликте иш алып баруу үчүн кармалган жылкылар боюнча маалымат Чүй облустук ички иштер башкы башкармалыгына да берилген.
Былтыр жайында шаарды бошонуп кеткен уй аралап, аял менен милиция кызматкерин сүзгөн.